Беларускі дзяржаўны універсітэт фізічнай культуры стаў удзельнікам марафону "Донарства крыві мае значэнне!". Марафон праводзіцца ў рамках Рэспубліканскага праекта па развіццю донарства крыві "У Беларусі - Добрае Сэрца!". Удзел у мерапрыемстве, ініцыятарам якой з'яўляецца Рэспубліканскі навукова-практычны цэнтр трансфузіялогіі і медыцынскіх біятэхналогій, прынялі больш за 70 студэнтаў, выкладчыкаў і работнікаў ВНУ.
Пункт здачы крыві размясціўся ў фае актавай залы. Перад працэдурай донары прайшлі рэгістрацыю і атрымалі неабходныя рэкамендацыі.
Ўмовамі для ўдзелу ў Дні донара з'яўляецца праходжанне абавязковага медагляду (праводзіцца ў універсітэцкім медпункце), а таксама адсутнасць часовых і сталых супрацьпаказанняў.
Дзень донара сабраў жадаючых дапамагчы людзям, чыё здароўе, а можа і жыцьцё, залежыць ад наяўнасці ва ўстановах аховы здароўя донарскай крыві.
Пасля працэдуры донарам прапанавалі бясплатны сняданак, а таксама ўручылі памятныя падарункі.
Усе ўдзельнікі мерапрыемства атрымалi кампенсацыю на харчаванне пасля здачы крыві, а ў дзень здачы крыві былі вызваленыя ад вучобы ці працы. На працягу двух гадоў яны маюць права на яшчэ адзін выходны дзень.